Best Band in Hyderabad 'Exabyssus'

Thlasik lai ani a, khua lah chu a vawt em em mai a. Hetih hunlai hi thlasik chawlh hmang a Aizawl a ka awm lai ani. Thainte lah chuan min rawn phone sek a, lo chhuk tawh teh... january 8th hian gig kan nei ania an ti a. Chhuk chu ka chak reng, mahse chhungten a la hma deuh alom le, helamah la awm ve hrih la an ti miau si a, tihngaihna dang a awm lo ani ber e. Chak tak chung chuan Masi leh kumthar 2008 chu ka hmang liam ve mai a. Jan 8th chu alo thleng ta ngei a, a hma ni in min lo phone leh a kan gig kha kan cancel ta mai e an rawn ti a, ui tak chung chuan ka thaw huai a. Mahse an la ti ta cheu!!!!!! enge ni? ka ti a competition a awm dawn. Khawiah? IIIT ah. Engtik ah? Feb 9th ah. 'Sweeeeetttt.... E anih chuan a that chu jan 22nd ah ka lo thleng dawn alom ka ti a. 'Sweeet' an rawn ti let ve mai a, eng eng emaw kan sawi a, Aizawl vawh zia te, Masi ka hman dan te kan in hrilh luam a kan in mangtha ta a. Tichuan ka chhuk hun alo thleng ve ta a, Lengpui airport atangin flight ka man a, tluang tak chuan kan khaw pakhat ti hial a kalo chhal ve thin Hyderabad chu ka thleng ve ta mai a.

ka thleng ta ngei a tum ang chuan. Ka jam tan ta a. Aces High, Web Of Madness (OC) leh Flight of the Icarus (Keimahni version)  leh Perfect Strangers (Kan version bawk in) te chu kan zir ta tlauh tlauh a. Intihsiakni chu alo thleng ta. Tlaiah Puia (Kan Room mate) nen in atangin 

Gachibowli lamtluang pan in kan tei chhuak ve ta chhat chhat a. A tawi zawngin sawi mai teh ang.

Kan zai ta a.... kan zai tha nge thalo poh ka hre lem lo. Mahse hei erawh ka hria. Drum raiser ah khan a kaw lai alo awm
chu ni in. Ka snare kha a tla thei tlat mai pek a. hahthlak tak ani. Crowd lam erawh kan chawk phur tha viau. 
kan dawt a zai SKRYPT te kha kan compete pui ber ni ta in ka hria. Anni death metal band an nia an tight nasa mai si. Thianpa U Hruaia phei chuan hemi te hi an va tight ve... a ti thlawt a. Kan chak leh lo mai ang aaaa!!! ka ti rilru a. Headline act 'Sledge' in an play zo va.  Ground chu a reh hian a reh thuap a ni ber. first runner up is....... keimahni kan ni angem tiin ka lo thaw depdep hman... SKRYPT... hmmmmm kan chak ve mai angem????  ...and the winner of the night and the BEST BAND IN HYDERABAD is EXABYSSUS..... kan hlim tlang aniang... kan thian ho chuang kan zuang chhuak tor tor a.... No 1 band in Hyderabad kan lo ni ve reng a... a mak teh e...... thawhrim hi hlawhtlin na an lo ti mathlawn lovin... kan phu loh malsawmna kan dawng tak meuh meuh in ka hria. Hetiang min hruaithlengtu hnen a ka dil ang min pek avangin lawmthu sawi hi ka va ba nasa em....


Mizo thian te ho pawh an lo kal ve a